Një monument kulture si kalaja e Ali Pashës në Porto Palermo është shndërruar në arenën e promovimit të potencialit turistik të Shqipërisë, detit, malit dhe ushqimit autokton shqiptar.
Dhjetëra gazetarë dhe operatorë turistikë gjermanë përshkuan Shqipërinë nga veriu në jug, në një udhëtim mes natyrës, traditës dhe mikpritjes shqiptare.
Julietta Baums, e cila operon me agjencinë e saj turistike në gjysmën e shteteve të botës, thotë se listës së këtyre shteteve do t’i shtohet edhe Shqipëria.
“Turizmi rural mund të sjellë përfitime të mëdha për ekonomitë lokale. Me sa shoh, veç potencialit turistik në verë me detin, ju mund të zhvilloni turizëm edhe në pranverë, vjeshtë, madje edhe në dimër me turet e skive apo ecjen me biçikletë në mal”, u shpreh Baums.
“Ka shtigje dhe rrugë që janë shumë të përshtatshme për ecjen me biçikletë në mal. Shoh potencial sepse vendi nuk është shumë i njohur për gjermanët”, tha Peter Baar, operator turistik gjerman.
Deri përpara këtij udhëtimi, Shqipëria ishte një vend i panjohur edhe për Sebastian Saab, një prej gazetarëve që po shkruan një histori për Shqipërinë.
“Mesazhi im për shqiptarët është bëni më shumë për të promovuar vendin ndërsa për europianët, mos hezitoni, provoni Shqipërinë sepse në kaluam një fundjavë fantastike me njerëz shumë miqësore dhe ushqim të shkëlqyer, nuk ndaluam së ngrëni, kam marrë shumë kile këto ditë”, u Saab, gazetar i “Euronews”.
Turistet duan të shijojnë sa natyrën aq edhe ushqimin, ndaj grupin e shoqëronte shefi i kuzhinës, Sokol Prenga, që gatoi gjithçka “Made in Albania/Koha.net
”
