Është kjo fotoja e familjes shqiptare me banim në Itali, që u përfshi në ngjarjen e rëndë, ku babai vrau vajzën 16-vjeçare ndërsa tentonte të sulmonte bashkëshorten e tij. I vrarë ka mbetur edhe një 51-vjeçar, Massimo De Santis për të cilin autori shqiptar dyshonte se kishte raporte intime me të shoqen, ndërsa kjo e fundit e mbetur e plagosur.
Vajza u godit me thikë pasi ndërhyri për të mbrojtur nënën e saj nga agresioni i të atit, i cili donte ta vriste.
Nga hetimet e para, motivi i krimit mendohet se është një lidhje e dyshuar mes 51-vjeçarit të vrarë, Massimo De Santis, dhe gruas shqiptare. Krimi ka ndodhur rreth orës dy të mëngjesit dhe nga sa mësojmë njeriu është goditur me thikë në shkallët e pallatit ku ndodhej. Më pas, vrasësi i dyshuar hyri në shtëpi me qëllim që të vriste gruan e tij, por vajza ndërhyri për të mbrojtur nënën e saj dhe u vra. Gruaja ka arritur të arratiset dhe të lajmërojë policinë. Me të mbërritur në vendngjarje ushtarakët kanë bllokuar 45-vjeçarin, i cili sipas hetuesve endej në zonë në kërkim të djalit pesëvjeçar. Është gjetur edhe arma e vrasjes, një thikë kuzhine.
Pasi vrau të dashurin e dyshuar të gruas së tij dhe vajzën 16-vjeçare, 45-vjeçari shqiptar Taulant Malaj filmoi viktimat me celularin e tij. Në videon me pamje shumë të rënda, që po qarkullon në disa biseda të Ëhatsapp-it, ai i drejtohet edhe gruas së plagosur në gjuhën shqipe. Në video ai prezantohet me emrin e tij dhe më pas tregon trupin e 51-vjeçarit Massimo De Santis, të cilin e ka vrarë së fundmi: “E shihni këtu, ai është italiani”. Më pas, ai shton, “Unë tashmë e kam falur një herë gruan time, ai është i dyti”. “E kam therur, i kam vrarë të tre, edhe vajzën, shiko këtu”, vijon ai duke fyer gruan e tij 39-vjeçare e cila shtrihet e plagosur pranë trupit të së bijës. Më pas, duke bërtitur, Malaj pyet ku është “fëmija”, djali tjetër pesëvjeçar që nuk e gjeti në shtëpi, por që sipas hetuesve po tentonte ta vriste: “Nuk kam mbaruar akoma, askush nuk ka ardhur, as policia”, thotë në video Malaj./Opinion.al
