Një i mitur ka humbur jetën tragjikisht në fshatin Fitore të Vlorë.
13 vjeçari me iniciale M.A., sipas informacioneve paraprake, dyshohet se është vetvrarë me pistoletë.
Ai u gjet i pajetë pikërisht nga babai dhe u dërgua në spital, por fatkeqësisht nuk mundi të mbijetonte.
Informacioni paraprak i Policisë së Vlorës:
Më datë 10.09.2018, rreth orës 16:40, në fshatin Fitore, Vlorë, dyshohet se është vetëvrarë aksidentalisht me armë zjarri një djalë i mitur me gjeneralitetet M.A., 13 vjeç.
Në momentin e ngjarjes, fëmija ka qenë vetëm duke luajtur në një godinë ngjitur me banesën, ku dyshohet se është vetëvrarë aksidentalisht me armë zjarri tip Pistoletë TT.
Grupi hetimor po punon për sqarimin e rrethanave dhe dokumentimin e plotë të ngjarjes.
