Janë zbardhur detaje nga vrasja e ndodhur 45 minuta më parë në qytetin e Koplikut në Malësinë e Madhe, ku bashkëshorti ka vrarë me sëpatë gruan e tij. Sikundër mësohet viktimë e sherrit në çift ka mbetur Lumnije Bajrakurtaj, 44 vjeç. Sipas të dhënave që vijnë nga terreni, vrasja ka ndodhur jashtë banesës. Dyshohet se autori është person me probleme të shëndetit mendor, dhe ka pasur edhe më herët grindje në familje. Çifti Bajrakurtaj ka 5 fëmijë dhe ata e kanë pasur të pamundur të parandalojnë sherrin fatal që i mori jetën nënës së tyre.
