Të shtëna me armë janë regjistruar ditën e sotme në Patos. Mësohet se nga të shtënat, kanë humbur jetën dy persona, njëri prej tyre vdiq në vend, ndërsa tjetri pasi u plagos, ndërroi jetë në spital.
Dy viktimat janë identifikuar si Elis Kapaj dhe Manol Rrapaj. Sipas të dhënave, ata janë qëlluar me armë brenda ambienteve të Poliklinikës, ndërsa rrethanat ende janë të paqarta.
Ndërkohë, autori është identifkuar si Martin Skëndaj, i cili pasi qëlloi mbi dy personat ka tentuar të largohet, por pas pak minutash ai është arrestuar nga policia.
Njoftimi i policisë
Patos, Fier
Policia kap në kohë rekord autorin e ngjarjes së ndodhur në ambientet e poliklinilës në Patos ku mbeti një i vrarë dhe një i plagosur.
Sot rreth orës 12:20, në ambientet e poliklinikës së Patosit si pasojë e një konflikti, shtetasi Martin Skëndaj ka qëlluar me armë zjarri dhe për pasojë ka mbetur një shtetas i vrarë dhe një i plagosur.
Falë veprimeve të shpejta dhe profesionale të policisë, është bërë e mundur kapja e autorit dhe sekuestrimin i armës së zjarrit. Po punohet për zbardhjen e plotë të rrethanave të ngjarjes. / Opinion.al
