Një plagosje me armë zjarri ka ndodhur, sot, rreth orës 20:20 në Kinostudio, Tiranë.
Burime nga policia, kanë bërë me dije se dy shtetas ende të paidentifikuar kanë qëlluar me armë zjarri në krah shtetasin Eduard Duka, i cili është dërguar menjëherë drejt QSUT-së dhe ndodhet jashtë rrezikut për jetën.
Nga të njëjtat burime tregohet se ka qenë një makinë në levizje nga e cila u qëllua drejt një lokali në zonë, ku ishte i plagosuri.
Mësohet se Duka është qëlluar me armë zjarri të kalibrit të vogël.
Bëhet me dije se Duka rezulton me precedentë të mëparshëm penalë dhe është ish-i dënuar në Itali.
Paraprakisht thuhet se atij i kanë bërë atentat. Rrethanat priten të sqarohen në vijim.
Policia ka nisur hetimet për identifikimin dhe kapjen e autorëve si dhe për sqarimin e plotë të rrethanave të ngjarjes.
