Janë zbardhur detaje të reja nga ngjarja e ndodhur pak minuta më parë në fshatin Rrotull të Durrësit, ku si pasojë e një aksidenti ka humbur jetën një grua dhe kanë mbetur të lënduar tre persona të tjerë, një grua dhe dy fëmijë.
Sipas informacioneve të policisë së Durrësit, shtetasja që ka humbur jetën është M. Daci.
Shkak për aksidentin ka qenë përplasja në kthesë e dy makinave, njëra prej të cilave fuoristradë.
Sipas njoftimit të Policisë së Durrësit, shtetasja M. Daci ishte drejtuese në mjetin që u përplas nga shtetas J. O, 34 vjeç
Sipas burimeve nga Spitali i Durrësit, gruaja që humbi jetën kishte mbërritur pa shenja jete në spital.
“Në fshatin Rrotull, Manzë, shtetasi J.O., 34 vjeç , banues në Tiranë duke drejtuar mjetin me targë AA 666 SP është përplasur me mjetin më targa AA 875 LX , me drejtuese shtetasen M.D., 31 vjeçe, e cila ka ndërruar jetë.
Në makinë ndodheshin shtetasja B.Sh., 35 vjeçe dhe dy fëmijë 9 dhe 7 vjeçe të cilat u transportuan në Spitalin Rajonal Durrës dhe ndodhen nën kujdesin e mjekëve. Grupi Hetimor ndodhet në vendngjarje dhe po punon për zbardhjen e shkakut të aksidentit.”, shkruan policia në komunikatën paraprake për shtyp. Dl/ Opinion.al
