Detaje të reja janë zbardhur nga zbulimi i autorëve të vrasjes së Edmond Papës.
Mësohet se pamjet e kamerave te sigurisë në zonë ne rrugën “Fadil Bodinaku”, ku ndodhi ekzekutimi kanë ndihmuar grupin hetimor të zbulojnë autorin dhe itinerarin që ka ndjekur ky i fundit deri në momentin që vrau Edmond Papën brenda lokalit që ndodhej pranë banesës së vëllait të tij.
Kamerat e sigurisë kanë kapur edhe automjetin tip Audi ku 44 vjeçari A.B., e ka ndihmuar autorin të largohet.
Sipas news 24, ndryshe nga ekzekutimet e tjera, ku autorët djegin automjetin që përdorin në vrasje, në këtë rast dy autorët nuk e kanë djegur automjetin tip Audi, gjë që ka ndihmuar policinë që të gjejë automjetin që kanë përdorur autorët dhe të zbulojë prova të rëndësishme për implikimin e dy autorëve.
Grupi hetimor ka pamje nga kamerat e sigurisë ku largohet 30 vjeçari, por edhe pamje kur gjatë ditës së ngjarjes autorët kanë ndjekur dhe vëzhguar lëvizjet e Edmond Papës, i cili ka udhëtuar nga Saranda për në Tiranë.
Edmond Papa,u ekzekutua më 16 dhjetor 2022, në rrugën “Fadil Bodinaku“ Tiranë.
