Ditën e djeshme një person i armatosur hyri në një bankë të nivelit të dytë në Tepelenë, duke terrorizur punonjësit dhe grabitur paratë që ndodheshin në kasë.
Personi i cili i identifikua me inicialet A. K, hyri në bankë i veshur me kamuflazh ushtarak dhe i maskuar.
Ai mësohet se ishte përdorues i lëndëve narkotike, dhe mundi të vjedhë në bankë një shumë prej 5 milion lekësh.
Ditën e sotme Policia e Gjirokastrës njofton se ka mundur të lokalizojë vendndodhjen e tij.
Kjo falë një telefonate të gabuar që ai ka bërë, të kapur nga lokacioni i antenave.
Në bazë telefonatë së kryer, autori dyshohet të jetë fshehur në zonën e Kurvëleshit.
Grabitja e djeshme në Tepelenë është e disata që ndodh në rang vendi, përsa i përket bankave.
Gjatë këtij muaji janë sulmuar bankomatet e bankave në Urën Vajgurore, Vorë dhe në Bulqizë, përfshirë edhe grabitjen e djeshme në Tepelenë. D.L
