Janë zbuluar të tjera detaje në lidhje me Orges Bilbilin, i cili u plagos nga një officer policie paraditen e 10 prillit dhe më pas u arrestua. Sipas “BalkanWeb”, Bilbili është ndihmuar nga një vajzë për t’u strehuar gjatë kohës që ishte shpallur në kërkim nga policia.
Vajza që ka ndihmuar të arrestuarin është identifikuar si Jurgena Xh. Nga hetimet rezulton se banesa ku qëndronin Orges Bilbili miku i tij, Anterio Kaloshi rezulton të jetë e firmosur në emër të vajzës.
Lajmi konfirmohet nga burime të prokurorisë, të cilat thanë se banesa ishte marrë më qira një muaj, përpara se të ndodhte ngjarja. Prokuroria po heton edhe më tej për rolin e vajzës dhe marrëdhënien e saj me një personazh problematik në botën e krimit nga zona e Fushë-Krujës.
Po ashtu, hetimet kanë zbuluar se Bilbili ka lidhje të forta me pjesëtarë të fisit Rraja. Mbi të arrestuarin rëndonjë një seri akuzash të rënda ku përfshihet dhe masakra e Lushnjes, me dy të vrarë dhe një të plagosur, kur tentoi bashkë me Laert Haxhiun, të ekzekutonte nipin e Aldo Bares./ Opinion.al
