Detaje të reja janë zbardhur në lidhje me vrasjen e ndodhur sot në Ndroq të Tiranës.
Nga të shtënat me armë zjarri humbi jetën Alfred Dedja, 50 vjeç. Ai u qëllua brenda ambienteve të një lokali, ku autori hyri dhe e qëlloi me armë për vdekje.
Mësohet se pas krimit, autori i ngjarjes është larguar me një automjet tip Benz ML i zi. Sipas informacioneve, autori i ngjarjes është Julian Gjoshi, 27-vjeç nga Shijaku.
I riu rezulton me precedent të mëparshëm penal për armëmbajtje pa leje.
Policia është vënë në ndjekje të Gjoshit, teksa po punon për të ngritur pistat rreth krimit të rëndë. Pista e parë për hetuesit është prishja e pazareve të drogës.
Ngjarja mund të cilësohet edhe si një atentat i mirëfilltë, teksa provat do të nxjerrin në pah më shumë detaje.
