Gjatë mbledhjes me dyer të mbyllura të grupit të PD, mësohet se Basha është shprehur qartë per qendrimin kundër “bashkëqeverisjes me krimin”. Në mbledhjen e PD, u përcaktuan 3 shtylla të aksionit opozitar: lufta kundër qeverisjes së lidhur me krimin, problemet me ekonominë si edhe shpëtimi i Reformës në Drejtësi.
“Çlirimi i qeverisjes nga krimi është prioritet mbi gjithçka. Bashkëqeverisja e Rames me krimin po shkatërron gjithçka. Në lidhje me reformën në drejtësi janë 11 gjyqtare të paktën janë mbajtur jashtë rregullave. Janë të mbrojtur dhe lojtarë të Edi Rames. Procesi i vettingut është i korruptuar prej fillimit. Fillimi i sesionit do te jete nisje e transparencës për gjyqtaret dhe prokurorët të korruptuar që rrjeta e vettingut nuk i kap, por i mban në drejtësi, çka hedh ne erë parimet kryesore të reformës. Synohet kapja e KLGJ dhe KLP dhe kjo është fare e thjeshte me kapjen e GJK, prokurorisë dhe SPAK. Ekonomia po shkon me keq për shkak të korrupsionit galopant. Ne do bëjmë evidentimin e koncesioneve korruptive”, ka deklaruar ai.
Sakaq mësohet se Basha në PD do takoje kryetaret e partive te tjera opozitare si dhe ne 15:00 rimbldhet grupi i PD.
