Lideri demokrat Lulzim Basha u përgjigj Fatmir Xhafës i cili kërkoi pyetjen në prokurori të kreut demokrat dhe deputetit Sali Berisha.
I pyetur nga gazetarët, Basha tha se “kjo letër është akt i dënueshëm i Fatmir Xhafës. Tregon për tentativën për të vendosur nën urdhëra Prokurorinë e Krimeve të rënda. Prokuroria mjafton të gjurmojë Olsi Ramën dhe Fatmir Xhafën që të gjejë kokainën”.
Përmes një letre dërguar Kryeprokurorit të Krimeve të Rënda, Besim Hajdarmataj, ministri Fatmir Xhafaj kerkoi të merren në dijeni Basha dhe Berisha si persona që mund të kete dijeni per ngarkesen e 613 kg kokaine te kapur ne Maminas. Sipas Xhafes, referuar deklaratave publike, Basha dhe Berisha duhet ti tregojnë informacionet që disponojnë.
Çmoj se ka interes të ligjshëm publik dhe posaçërisht për hetimin që është duke u kryer që, nga ana e institucionit që ju drejtoni, të thirren këta persona dhe të deklarojnë përpara Prokurorisë së Krimeve të Rënda, në zbatim të dispozitave të Kodit të Procedurës Penale, faktet për të cilat kanë dijeni dhe provat, që ata zotërojnë për klanet kriminale të trafikut të drogës, përfshi edhe rastin e fundit të sekuestrimit të 613 kilogram kokainë’’, thuhet në letër.
