“Më ngarkoi në makinë dhe më çoi në një shtëpi në Novara (Itali), ku më mbylli në një dhomë. Më pas, erdhi gjatë natës: La një thikë pranë shtratit, më kapi prej krahësh dhe më dhunoi. Arrita të shpëtoj ditën tjetër me pretekstin për të më shoqëruar në hotel për të marrë pasaportën, pa të cilën nuk mund të bëja prostitutën ashtu siç ai donte”.
Sot “Ilenia” (jo emri i saj i vërtetë), 29-vjeçare rumune, jeton në Zvicër. Kanë kaluar më shumë se 10 vite nga mbrëmja e 5 Qershorit 2006, kur një i ri e rrëmbeu dhe e përdhunoi në një shtëpi në periferi të Divignano-s, komunë në Novara.
“Duhet të bësh prostitutën për mua”, i ka thënë.
Kanë kaluar shumë vite dhe ende drejtësia nuk ka dhënë një përgjigje.
Për një seri çështjesh teknike (mes të cilave anulimi i procesit në Apel për çështjet e njoftimeve) procesi kundër autorit të dyshuar, Edmond Nikolli, 30 vjeç, shqiptar me banim në Varallo Pombia, Itali, është ende në pritje të vendimit të gjykatës së shkallës së parë. Ai akuzohet për rrëmbim personi, dhunë seksuale dhe tentativë shfrytëzim prostitucioni.
Ajo e kishte njohur “Ilenian” në një album fotografik, asokohe 18 vjeçe, sapo kishte shkuar në Itali së bashku me një bashkatdhetare.
“Duhet të punoja si kameriere, por përfundova në rrugë. Ai hiqej si klient, por kur hipa në makinë, u nis me shpejtësi të madhe. Pas pak kohësh mbërritëm në një banesë (karabinierëve u tha se kujtonte tabelën “Shenjë”) dhe më mbylli në një dhomë.
Pasi më bllokoi në shtrat më detyroi të bënim seks. Nga ai më kujtohet një lëmsh i madh: Kanë kaluar 10 vite dhe këto gjëra, një person përpihet ti harrojë”, citohet vajza rumune nga gazeta italiane “La Stampa”.
Ilenia arriti t’ia mbathte nga makina kur rrëmbyesi i saj e shoqëroi në Genova për të marrë pasaportën. Një polic po rregullonte trafikun kur e pa gjysmë të veshur, pa këpucë e në lot.
Më pas, u lajmëruan karabinierët dhe nisën kërkimet për kapjen e rrëmbyesit.
Burimi: Syri.net
