Ai e kishte mbajtur jetën e tij private gjithmonë larg famës. Kjo është ndoshta arsyeja pse pati një martesë të suksesshme e të lumtur që zgjati plot 24 vjet, deri ditën kur këngëtari mitik David Bowie mbylli sytë pas një lufte të gjatë me sëmundjen e kancerit.
Bowie u zhvendos në New York në vitin 1993, një vit pasi u martua me supermodelen somaleze, Iman. Në vitin 2000 ata u bënë me vajzë, Alexandria ose Lexi, që ndryshe nga djali tjetër i Bowie i ardhur në jetë nga martesa e parë, Duncan Jones, është parë shumë rrallë në publik.
Iman ka rrëfyer se sekreti i martesë së tyre ishte fakti se e kishin mbajtur jetën private larg medias. “Unë nuk jam martuar me David Bowie, jam martuar me David Jones, dy njerëz shumë të ndryshëm”, ka thënë dikur supemodelja.
Burime pranë këngëtarit të famshëm thonë se ai pësoi 6 herë atak kardiak gjatë 18 muajve që luftonte me sëmundjen e rëndë dhe se dëshira për ta pasur sa më gjatë pranë vetes vajzën e tij ishte gjëja që e bënte të rezistonte më shumë ndaj sëmundjes.
