Trajneri i kombëtares së Francës, Didier Deschamps është ndarë i kënaqur për fitoren kundër Islandës, ndërsa ka folur edhe për kundërshtarin e radhës, Gjermaninë, të cilën e ka përshkruar si ekipin më të mirë në botë.
“Nuk ishte e lehtë të menaxhohet gjithçka, por këtë herë e kryem punën me sukses në pjesën e parë. Më pas u ndalëm paksa, dhe vërtet doja t’i mbroja Giroudin dhe Koscielnyn. Ata po rrezikonin suspendimin dhe do të ishte vërtetë idiotike të humbnim lojtarë të tillë në një ndeshje aq të rëndësishme”, ka thënë Deschamps, transmeton Koha.net.
Ai më tutje ka folur për përballjen gjysmëfinale kundër Gjermanisë.
“Gjermania ka qenë ekipi më i mirë, pa dyshim, përkundër që patën vështirësi shumë të mëdha kundër Italisë, që dhanë gjithçka. Por, ne jemi në mesin e katër më të mirave, dhe do të japim gjithçka kundër ekipit më të mirë, jo vetëm në Evropë, por edhe në botë”, është shprehur trajneri francez.
Përballja gjysmëfinale Francë-Gjermani do të zhvillohet më 7 korrik.
