Ish-deputetja demokrate që tani aderon në PDIU-në e çamëve, Mesila Doda ka zbuluar disa nga emrat pretendent për President të Republikës. Si pjesë e mazhorancës në parlament, emrat që përmend znj.Doda mund të jenë emrat që po diskutohen mes PS, LSI dhe PDIU.
Gjatë një bisede në studion e News 24 ajo u pyet nëse ka ambicie për tu bërë Presidente, por u përgjigj: Jo, unë jam shumë e re, por Mimi Kodheli, Monika Kryemadhi, Majlinda Bregu apo Albana Vokshi mund të jenë kandidate për Presidente”.
Siç shihet nga lista që përmend znj. Doda, është Mimi Kodheli, emri i të cilës lakohet prej kohësh. Gjithashtu nxjerr për herë të parë në skenë emrin e bashkëshortes së Ilir Metes. Po kështu përmend edhe dy demokrate: Bregun dhe Vokshin që mbeten mike të ngushta të Dodës edhe pasi kjo e fundit iku nga PD-ja. /Opinion.al
