Deputeti i PD, Dashnor Sula ka reaguar për sasinë e kapur të naftës kontrabandë, e cilat nuk do i nënshtrohej detyrimeve doganore dhe taksave.
Nëpërmjet një postimi në rrjetet sociale, Sula shkruan se qeveria po bën përpjekje për të mohuar kontrabandimin e naftës në vendin tonë.
Sula deklaron se qeveria gënjen kur thotë se në vendin tonë nuk ka kontrabandim të naftës. Sipas tij, në Shqipëri po kryet masivisht kontrabandimi i naftës dhe se në 10 raste autoritetet ndalojnë vetëm një rast të kontabandimit. Deputeti thotë se kjo gjë ndodh për shkak të taksave të larta.
Postimi i Dashnor Sulës
Pas denoncimit që bëra me fakte dhe prova zyrtare se ka dyshime të konsiderueshme për importin e naftës kontrabandë, autoritetet e rendit kanë sekuestruar dy sasi të mëdha nafte në tentativë për tu perdorur pa iu nënshtruar detyrimeve doganore dhe taksave. Siç thonë raportet ndërkombëtare, koeficenti i kapjeve është 1 me dhjetë.
1 sasi kapet, 10 arrijnë të kalojnë.
Ministrat e qeverisë së kryeministrit Rama u munduan ta mohonin një skandal të tillë. Ministrja Ibrahimaj llogariti edhe sasinë e naftës që kalon tranzit në Shqipëri për të shkuar në Kosovë dhe Maqedoninë e Veriut për të rrëzuar denoncimin tim. Por gënjeshtrat i kanë këmbët e shkurtra dhe e vërteta doli se në Shqipëri hyn masivisht naftë kontrabandë.
25 ton është sekuestruar vetëm sot.
Për të kaluar në problemin tjetër.
Pse rrezikojnë kaq shumë njerëzit për të kontrabanduar naftën. Janë pikëtisht taksat e larta. Pa zbritur nafta në Portin e Durrësit, shqiptarët paguajnë 1200 lekë taksa. Kjo çon biznesin drejt falimentimit. Ndërkohë sipas raporteve zyrtare nga shuma e taksave të mbledhura nga nafta vetëm 20% shkon për ndërtim apo mirëmbajtje rrugësh. Të tjerat ndahen me klientët e qeverisë.
