Majlinda Bregu, ish-politikanja e njohur e PD, tani është zgjedhur për një detyrë të rëndësishme diplomatike. Nga janari 2019 do të jetë Sekretare e Përgjithshme e Këshillit të Bashkëpunimit Rajonal (RCC).
Edhe pse e menjanuar nga politika, ajo dje ka gjetur sërish rastin të sulmojë kundërshtarin e saj më të madh kryetarin e PD, për të cilin tha se “mu duk në parlament si njeri rruge”. Sipas znj. Bregu Lulzim Basha po përpiqet të bllokojë negociatat.
Basha vetë nuk i është përgjigjur asnjëherë akuzave të Majlinda Bregut, por eksponentë të kësaj partie po. Sot, deputeti Myslim Murrizi shkruan se znj. Bregu pa asnjë kontribut në PD gëzoi për 6 vite postin e ministres së Integrimit. Sot ajo është opozita e opozitës, pasi u shpërblye nga Rama me një post të rëndësishëm në organizmat e huaj.
“Sikur Rama të kishte lobuar per Shqiperine, sa loboi dhe harxhoi per te “ punesuar” Majlinden, Shqiperise jo vetem do te ishin hapur negociatat por sot mund te ishim antare i BE dhe mund te kishim presidencen e radhes”, shkruan ai.
Te vazhdosh te besh opoziten e opozites me kaq shume zell , do te thote qe “ borxhi” eshte shume i madh. Nje “ borxh” i akumuluar heret ose me interesa shume te larta. Te kesh qene 6 vjet ministre e PD pa asnje kontribut ne PD nga viti i krijimit te saj ( 1990-2007), dhe te luftosh prej 5 vitesh vetem PD (2013-2018), do te thote se ja ke shitur shpirtin “ DREQIT”
Te mburresh se prej 5 vitesh ne opozite te PD , ke “ sakrifikuar” shume se ke bere njehere SHERR me Aldon , me duket sa per te qeshur aq dhe per te qare. Nga 2013-2017 nuk folet nje fjale per drogen, per krimin per korrupsionin per tenderat per konçensionet per kete qeveri qe perzuri nga ky vend 400 minj shqiptarë. Nuk folet per tahirin per balilin per habilin per kohilin por nuk late gje pa thene per PD dhe demokratet. Ndoshta ashtu ishte “ loja”, qe sot te ishit ketu ku jeni. Negociatat nuk i pengon as Basha e as DEMOKRATET, por vella “ pasha” dhe kleptokratet.Te fajesosh PD per qeverisjen e PS kaq bajate besoj qe do ta kishte te sikleteshme edhe vete partia meme e rilindjes se soteme, madje kaq “ eger” nuk ka folur as shefja juaj Romana!!!”, shkruan Murrzi.
“Qe te hapen shpejt dhe pa kushte negociatat, i bej thirrje qeverise ti ngreje rrogat te “ punesuareve” te fundit dhe te punesoj edhe disa “ LIDERA” te tjere qe te kemi sa me shume opozitare te OPOZITES. Bile nga neser po mendoj qe jo vetem te “ zihem” me Aldon, por mund te “ plagos” edhe Pollon qe te siguroj nje “ vend pune” ne NATO”, thotë Murrizi me ironi.
Më poshtë statusi i plotë në facebook i Majlinda Bregut
Shumekush e mban mend nje debat miqesor timin me Aldo Bumcin para 3 vitesh ne Parlament Europian teksa diskutohej per celjen e negociatave e anetaresimit te Shqiperise ne BE!
Shkaku i gjithe situates ishte qendrimi hipokrit i Lulzim Bashes. Nuk e ndante dot mendjen nese te votoje pro tekstit te PE ku perkrahej celja e negociatave, i jepte pike qeverise apo i hiqte pike opozites.
E njejta situate vazhdoi edhe keto vite. Pro apo kunder celjes se negociatave nuk mund te jete gjendja e ndermjetme mes gjumit dhe zgjimit te opozites se nga kjo dileme per tu percmuar, humbasin vetem shqiptaret.
Defaktorizimi i te vetmes garanci qe kane sot Shqiptaret, por edhe rajoni, – mosndaljen e perspektives te europianizimit te tyre,- eshte qasja me e rende per nje force politike, ne pushtet apo opozite qofte.
Nuk dua te merrem e t ‘i rikthehem qendrimeve te mia e konfliktit me Lulzim Bashen ndaj celjes se negociatave. Por,duke e pare dhe degjuar sot, m’u be me e veshtire se asnjehere te njihja partine ne qeverine e se ciles sherbeva shume vite me detyren e Ministrit te Integrimit Europian!
Me dukej si nje foles i ardhur nga rruga ne foltoren e Kuvendit! As nga rruga jo, se ne rruget e nje Shqiperie te 1000 halleve, zor se e gjen nje person qe te permbledhe tek vetja, kaq shume fodullek dhe kaq shume budallallek ne te njejten kohe!
Nuk dinte pse ishte aty. Nga vinte? Çfare thoshte? Kujt i fliste? Per cfare gezohej? Kujt i hidherohej? Per cfare ka lobuar e cfare po pret?!
Kryetari i Partise Demokratike te Shqiperise nuk mundet qe ne nje fjali me 10 fjale, tre i ka genjeshtra, dy i ka mashtrime, dy i ka sajesa dhe vetem tre i ka te verteta gazetash.
Nuk eshte normale per nje vend ku njerezit presin te shohin vizionin e te ardhmes tek opozita, qe kryetari i PD-se qe mbart historine dhe vizionin e asaj partie, qe edhe ne diten me te keqe s’ka qene asnje sekonde qesharake, si sot, te mos dije te ngrihet ne lartesine e shpreses se shqiptareve.
Edhe per mua qe nuk e kam vleresuar dot kurre Lulzim Bashen si te denje per te drejtuar PD,-ne, “allishverishi”i pandalur “tjeter ben e tjeter thua”,shto dhe shfaqjen e sotme ne parlament, eshte tallje e rendomte me te gjithe shqiptaret, qe edhe pse kombi nder me te vjetrit ne Ballkan ende i duhet te luftoje per te gjetur te ardhmen europiane kunder politikave anakronike e antihistorike qe thurin endrra me sulltanate.
Mbase e pashmangshme kjo qasje per nje personazh te shtatit te Lulzim Bashes, por jo per ata shqiptare qe i kane ende per zemer fatet e Shqiperise se vogel ne kete bote te trallisur.
Zoti e ruajt Partine Demokratike nga ambientim me idene se bufonada parlamentare e perjavshme e Lulzim Bashes, eshte opozitarizem i vertete!!!
