Ish-presidenti dhe kreu i Partisë së Lirisë, Ilir Meta ka folur për mediat pasi u mor në pyetje nga SPAK.
Para gazetarëve ai tha se “nuk ekziston asnjë akt, asnjë shkresë, asnjë dokument, asnjë urdhër, asnjë iniciativë për ligje, akte nën ligjore nga Ilir Meta si zv.kryeministër apo si ministër i Ekonomisë në interes të askujt”.
Meta u fut në ambientet e SPAK mëngjesin e sotëm dhe kjo ishte hera e dytë që ai pyetet lidhur me çështjen ÇEZ-DIA.
“Një person që ka qenë punonjës i DIA-s, tani është punonjës i OSHEE dhe përdoret nga regjimi për shpifje. Një person që ka vënë në gjykatë një dëshmi, ku asgjëkund nuk ka përmendur emrin time.
Ata kanë bërë pyetjet e tyre, përgjigja ime është ajo që ka qenë më parë do ta them përsëri nuk ekziston asnjë akt, asnjë shkresë, asnjë dokument, asnjë urdhër, asnjë iniciativë për ligje, akte nën ligjore nga Ilir Meta si zv.kryeministër apo si ministër i Ekonomisë në interes të askujt.
Unë isha si një person që ka dijeni për rrethana të ngjarjes. U pyeta për detaje të ndryshme, të cilat nuk kanë asnjë rëndësi”, tha Meta./Opinion.al
