“Unique Pink” diamanti unik në ngjyrë rozë plot 15.38 karat është prezantuar për mediat në Gjenevë, një javë përpara se të dalë në ankand për tu shitur, nga shtëpia e ankandeve Sotheby’s.
Sipas drejtorit ndërkombëtar të divizionit të diamanteve, David Bennett, ky gur është diamanti më i madh dhe me formën më të rrallë ngjyrë rozë që ka dalë ndonjëherë në shitje dhe sipas tij ai mund të shitet 28-38 milionë dollarë.
Ky diamant është i kategorisë 2A, që do të thotë se në mbarë botën vetëm 2% e diamanteve të gjetura janë të kësaj pastërtie, duke e bërë këtë gur vërtet të rrallë dhe unik.
Ankandi për diamantin unik pink do të mbahet në Gjenevë më 17 maj.
/ Express
