Prokuroria ka reaguar zyrtarisht për emisionin “Opinion” në TV Klan në lidhje me përgjimet e kryebashkiakut të Durrësit, Vangjush Dako.
Në reagimin zyrtar Prokuroria bëri me dije se largimi i prokurorit është rastësor.
Sipas Prokurorisë, kjo dosje e bandës së Avdylajve në Shijak, po qëndronte prej disa muajsh në sirtar.
“Dosja është në hetim. Largimi i prokurorit nuk ka lidhje me këtë rast. Theksojmë se duhet konstatuar se largimi rastësor i prokurorit ka sjellë zhbllokimin e Durrësit. Po hetohet dosja që rrinte në sirtat prej muajsh”, -deklarata është bërë nga këshilltari i Prokurorisë, Denion Ndrenika për emisionin “Opinion”.
Juristi Çlirim Gjata u shpreh se Prokuroria nuk ka punë të dalë në media dhe të flasë për çështjen, pasi ajo merr vendime.
