Pas përfundimit të ceremonisë së mbajtur në Sheshin “Nënë Tereza”, disa foto të realizuara tregojnë atë se çfarë nuk u pa gjatë trasmetimit të aktivitetit.
Ceremonia “Defender 21” në Tiranë, bëri bashkë sot kreun e qeverisë Edi Rama, Presidentin Ilir Meta dhe ambasadoren e SHBA-së Yuri Kim.
Kryeministri Rama ka qëndruar në distancë nga presidenti Ilir Meta në përfundim të fjalimeve.
Menjëherë pas mbylljes së ceremonisë kreu i qeverisë është takuar me Kim për t’u larguar më pas.
Sakaq, kreu i shtetit sikurse shfaqet në fotot e mëposhtëme shkëmbeu përshëndetje me përfaqësues të forcave të Armatosura por i ka dhënë dhe dorën abasadores Kim. Kujtojmë se ka pasur përplasje mes ambasadores Kim dhe Presidentit Meta para zgjedhjeve pasi kreu i shtetit e akuzoi për ndërhyrje në punët e brendshme të Shqipërisë.
Po ashtu gjatë kohës kur mbanin fjalimet, presidenti Ilir Meta e transmetoi të gjithë ceremoninë, pa ndërprerë kryeministrin Edi Rama, ndërsa ky i fundit e hoqi transmetimin në faqen e tij zyrtare në momentin e fjalimit të presidentit.
Në fjalim Kim iu drejtua presidentit Ilir Meta dhe kryeministrit Edi Rama, duke respektuar protokollin ndërsa presidenti dhe kryeministri iu drejtuan vetëm ambasadores Kim pa iu drejtuar njëri-tjetrit./Opinion.al
