I Ngarkuari me punë në ambasadën e SHBA, David Wisner është takuar ditën e sotme me ambasadoren e BE-së Christiane Hohmann.
Ky lajm është bërë i ditur përmes një njoftimi në rrjete sociale nga Amabasa Amerikane në Tiranë.
Sipas reagimit, bëhet me dije se në fokus të këtij takimi ishte mbështetja e procesit të anëtarësimit të Shqipërisë në BE.
Gjithashtu është diskutuar mbi rëndësinë e mbrojtjes së të dhënave në të gjithë sektorët, si dhe nevojën për përshpejtimin e reformave në Shqipëri.
“I Ngarkuari me Punë në Ambasadën e SHBA, David Wisner, u takua me ambasadoren e BE-së, Christiane Hohmann, për të pohuar bashkëpunimin e ngushtë në mbështetje të procesit të anëtarësimit të Shqipërisë në BE, veçanërisht në fushat e reformës në drejtësi dhe sundimit të ligjit. Ata diskutuan gjithashtu mbi rëndësinë e mbrojtjes së të dhënave në të gjithë sektorët, si dhe nevojën për përshpejtimin e reformave në Shqipëri”, thuhet në njoftimin e publikuar në rrjete sociale./Opinion.al
