Deputeti i Partisë Demokratike, Dashnor Sula ia vendosi në tavolinë ministrit të drejtësisë, Usli Manja veshjen e të burgosurit, me të cilin u paraqit sot në Kuvend.
Sipas tij, ai e kreu këtë veprim për ta iniciuar për të bërë një tender për veshjet e të burgosurve.
Nga Kuvendi, Sula deklaroi se në të gjithë botën të burgosurit vishen me uniformë, ndërsa në Shqipëri vishen me rrobat e shtëpisë.
“Në të gjithë botë të burgosurit kanë uniformën e tyre, të burgosurit tonë janë me rrobat e shtëpisë. Po i jap shansin qeverisë që sic bëri tenderin 350 euro një kapele, bëni një tender edhe të burgosurit të vishen të shkretët me një Hugo Bos. Unë këtë veshje që përdora do t’ja jap ministrit të Drejtësisë, që të inicioj dhe atyre të burgosurve ti jepni ndonjë rrobë se është turp, bëni ndonjë tender.
Ju po të kishit moral nuk e vendosnit sot datën për buxhetin faktit. Po ju them miqësisht. Ne nuk kemi hall, hall keni ju. Tmerri juaj është gropa e inceneratorave, tmerri është Arben Ahmetaj, tmerri juaj është encrochat dhe sky që flisni me kriminelet”, tha Sula.
