Kryetari i Partisë Lëvizja për Zhvillimin Kombëtar, Dashamir Shehi ka folur nga foltorja e Kuvendit në lidhje me arrestimin e kryebashkiakut të Tiranës, Erion Veliaj.
Ndër të tjera, Shehi përgëzoi punën e SPAKU-t dhe u shpreh se prokurorët po tregojnë kurajo dhe nuk po tërhiqen përpara asnjë pale.
“Dua tu bëj një urim atyre zotërinjve të SPAK që po tregojnë se kanë kurajë dhe nuk tërhiqen përpara asnjë pale edhe atyre që janë quajt të paprekshëm deri sot. Shenjë e mirë që ky institucion po punon dhe koha po e tregon. Uroj që të kenë kurajë të vazhdojnë deri në fund, t’i dalin për zot asaj që kanë marrë përsipër“, tha Shehi.
