Nënkryetari i Bashkisë së Tiranës tha gjatë një interviste në emisionin “Opinion” se ai ndodhej në delegacionin e Dubait me qëllimin për të bindur kompaninë EMAAR, që pas investimit në Durrës të shohë mundësinë edhe për Tiranën.
“Kam detyrën që të tentoj ta bind kompaninë EMAAR të vijë në Tiranë. Ato po shohin opsione të investojnë në zonën e Bulevardit të ri dhe në disa nga zonat e rindërtimit” u shpreh Mazniku.
Ndërsa u pyet edhe një herë lidhur me videon e shpërndarë në rrjet, ku delegacioni shqiptar është parë në një nga restorantet luksoze të Dubait, Mazniku tha se të gjitha shpenzimet ishin mbuluar nga kompania mikpritëse, EMAAR.
Mazniku tha se atë mbrëmje në tryezë kishte edhe përfaqësues të kompanisë, por që nuk dalin në video. “Kishte përfaqësus të kompanisë, por që nuk dalin në video. Zoti Alabbar nuk ishte në darkë por ishte në drekën e mëparshme dhe në darkën e shtruar një natë më parë me delegacionin shqiptar”, tha Manziku./Opinion.al
