Për të rënë nga pesha përdoren dietat nga më të ndryshmet e sidomos përpara periudhës së verës. Sipas dietologëve një dietë mjaft efikase është ajo që ka në bazë të saj dardhën. Më poshtë ju rendisim disa karakteristika dhe veti të këtij fruti.
Dardha përmban fibra, ka pak kalori, përmban shumë ujë dhe përmirëson tretjen.
Fibra që ka dardha në përmbajtje ju mban të ngopur për shumë kohë dhe tretet ngadalë.
85% e përmbajtjes e frutit të dardhës është ujë, një aspekt tjetër i rëndësishëm që tregon se dardha është shumë e mirë për rënien nga pesha.
Një dardhë mesatare përmban 6 gramë fibër ose 24% të nevojës ditore të fibrës për një grua nën moshën 50 vjeç.
Fibra dhe uji përmirësojnë tretjen duke eliminuar kështu fryrjen e pakëndshme të stomakut.
Dardhat janë një burim i shkëlqyer i vitaminës C.
