Mediat greke kanë publikuar foto të aksidenti tragjik në Edessa ku humbën jetën pesë shqiptarë.
Sipas mediave greke, aksidenti ka ndodhur në unazën e Edessës ku një makinë është përplasur me një kamion.
Mësohet se automjeti ka dalë nga korsia e vetë në rrethana ende të pazbardhura dhe ka hyrë në korsinë e gabuar, duke u përplasur më pas me kamionin.
Sipas informacioneve, pasagjerët ishin me origjinë shqiptare dhe të rinj. Më në fund drejtuesi i kamionit është në gjendje të mirë shëndetësore dhe i është nënshtruar analizave parandaluese në spitalin e Edessë.
Në foto shihen ekipet e zjarrfikësve, të cilët kanë bërë të mundur nxjerrjen e trupave të pajetë.
Mediat greke nuk japin detaje mbi identitetin e viktimave, por disa prej tyre raportojnë se janë të rinj.
Ndërkohë, grupi hetimor ka nisur punën për zbardhjen e rrethanave.
