Ferdinand Xhaferri, kryetar i PD në Durrës është revoltuar pasi ka mësuar nga mediat se Vangjush Dako mund të jetë sërish kandidat i PS për kryetar bashkie në Durrës. Sipas tij Dako i ka blerë votat dhe në 2019, ai që duhet të garantojë procesin është kryetari i PD, Lulzim Basha. Sipas Xhaferrit, nëse Basha nuk na garanton garë të drejtë, PD e Durrësit do i bojkotojë zgjedhjet lokale të vitit që vjen.
“Dako paraqitet opsioni më i lehtë për ne, për një arsye të thjeshtë sepse kemi një evidencë të dokumentuar për rritjen e votave. Ne do të mbajmë zgjedhje lokale vetëm nëse do të garantojmë barazi politike të partive politike me votuesit, barazi në zgjedhje, ndryshe nuk është çudi që opozita të dalë nga sistemi”, tha Xhaferraj.
“Në politikë kam fituar katër herë e kam humbur një herë. Nga 2007 deri në 2011 Dako i ka rritur votat me 67%. Çfarë ndryshimesh bëri që të rriste votat tre herë më shumë, ndërsa Edi Rama i rriti me 25%?”, tha Xhaferraj, duke theksuar se “duke garantuar që ata zotërinjtë që pi kafe tek Arvi nuk do ti përdorë më në fushatë, duke garantuar që nuk do blejë më vota, Ferdinant Xhaferri dhe Partia Demokratike e Durrësit nuk futet më në zgjedhje nëse zoti Basha nuk sqaron përfundimisht problemin e blerjes së votës dhe përdorimit të fondeve. Kjo është një cështje që i takon ta zgjidhë zoti Basha. PD ose rri ose del jashtë sistemit. Me barazi të votuesve kjo është detyra jonë”, tha më tej Xhaferri.
Ferdiand Xhaferri ka fituar katër herë mandatin e deputetit në siglën e PD në Durrës por në zgjedhjet lokale të 2011 ndërpreu mandatin e deputetit e të ministrit të Kulturës në qeverinë “Berisha 2”, e kandidoi përballë kreut aktual të bashkisë Vangjush Dako. Xhaferri e humbi garën me 3 mijë vota diferencë me Dakon i cili mori mandatin e dytë.
