Renditet në vendin e fundit të Superligës zvicerane, bashkë me skuadrën e tij të re, Vaduz, por sulmuesi i kombëtares, Armando Sadiku dhe ekipi i tij në kampionatin helvet, është ende kandidat për të marrë pjesë në Kupat e Europës.
Një rast i veçantë e gati i paprecedentë ky, për më tepër që ky shans nuk i jepet ekipit të Vaduzit nëpërmjet Kupës së Zvicrës.
Në vend të fundit në kampionat dhe i skualifikuar nga Kupa e Zvicrës, skuadra e Vaduz, mund të marrë pjesë në Kupat e Europës, si fituese e Kupës së Lihtenshtejnit.
Armando Sadiku realizoi dy golat e fitores së Vaduz në gjysmëfinalen e Kupës së Lihtenshtajn.
Kupa e Futbollit të Lihtenshtajnit është gara kryesore e futbollit në Litenshtajnt e organizuar çdo vit nga Federata e Futbollit të Lihtenshtajnit duke nisur që nga viti 1946.
Fituesi i kësaj kupe, kualifikohet për të marrë pjesë në Europa League. Meqenëse në shtetin e Lihtenshtajn, nuk ka një kampionat futbolli, kjo Kupë përbën turneun e vetëm futbollistik në vend.
Lihtenshtajni numëron kombëtarisht vetëm shtatë klube, të gjitha këto, prej vitesh tashmë janë asimiluar dhe përfshirë në Superligën zvicerane.
Kupa e Lihtenshtajn mbetet shansi i vetëm që ky shtet të përfaqësohet në garat europiane të futbollit për klube.
