Mund të cilësohet një nga rastet më të çuditshme në botën e futbollit. Ekipi i Luzit të Kavajës që militon në Kategorinë e Dytë të futbollit shqiptar ekuivalente për nga hierarkia me ligën e tretë, është i vetmi ekip ndoshta në botë që ndërron stemën e ekipit pothuaj çdo muaj. Vetëm këtë sezon ekipi e ka ndryshuar stemën plot tre herë, duke ndryshuar edhe emrin e ekipit. Në fillim të sezonit ekipi quhej Luz i Vogël 2008. Më pas ekipi u quajt Kavaja United ose ndryshe Kavaja e Bashkuar ndërsa në ditët e fundit është shfaqur si Luz United ose ndryshe Bashkimi i Luzit. Suksesi më i madh i këtij ekipi është fitorja ndaj Tiranës 3-1 në vitin 2009, që u kthye në një festë të vërtetë për këtë fshat të vogël në Kavajë, aty ku ushtron edhe aktivitetin futbollistik./ Opinion.al
Ja stemat dhe emrat që ky ekip ka pasur në fazën e parë të kampionatit
