Aktualitet

Çuçi – policëve për kanabisin: Nëse mbyllni një sy, ju shkatërrohet karriera



Bëhu pjesë e Grupit Zyrtar të Opinion.al
>> KËTU <<
               Publikuar në : 15:59 - 29/01/22 |
Opi Nion

Ministri i Brendshëm Bledi Çuçi tha gjatë një takimi me drejtues të Policisë së Shtetit se lufta ndaj kanabisit mbetet prioritet absolut, ndërsa njoftoi monitorimin me dron dhe satelitë gjatë vitit 2022.

“Ne do vazhdojmë edhe këtë vit që luftën kundër kanabis ta kemi prioritet absolut në punën e përditshme. Besoj që këtë vit të fillojmë me këtë risi pjesën e kontrollit të territorit, besoj nga mesi i viti do kemi shërbimin satelitor që do na prodhojë në mënyrë periodike, gati të përditshme foto të gjithë territorit të Shqipërisë ato ku duam ne që i quajmë si më sensitive. Mund të kemi një avantazh tjetër që mund të na krijohet për shkak të kontrollit të përditshëm të territorit nga sateliti dhe me shpresë që nga fundi i vitit të fillojë edhe monitorimi me dron. Me satelit është më i thjeshtë procesi, besoj do fillojë nga mesi i vitit”, tha Çuçi.

 

Ministri i Brendshëm paralajmëroi drejtuesit e Policisë të refuzojnë çdo lloj presioni politik që mund të kenë në këtë aspekt.

“Presionin politik për të mbyllur një sy apo për të toleruar diku e keni zero. Nga ministri apo kryeministri as që nuk diskutohet. Por çfarëdolloj sinjali sado të tërthortë që mund të merrni nga çdo faktor politik sado i lartë të jetë duhet ta refuzoni me forcë dhe të më bëni me dije mua drejtpërdrejt. Nëse i shkon nëpërmend njeriut të mbyllë një sy në lidhje me këtë gjë, do t’i shkatërrohet karriera. Dua që gjithsecili këtu ta kuptojë kështu siç e thashë unë. Ju lutem shumë të mos bëjë gabim njeri që të tolerojë apo mbyllë sytë”, u shpreh ai./Opinion.al

Pas