Ministri i Brendshëm, Bledi Çuçi, në një konferencë për mediat këtë të mërkurë, teksa po bën një bilanc për vitin 2022 dhe po prezanton prioritetet për vitin 2023, ka bërë të ditur se është parashikuar që këtë vit që sapo ka nisur të krijohet një njësi speciale e kontrollit detar.
Çuçi tha se janë parashikuar kapacitetet njerëzore për këtë njësi në buxhetin e vitit 2023 dhe po ashtu është parashikuar në buxhet blerja e pajisjeve.
“Kemi parashikuar për 2023 krijimin e përbashkët të një njësie speciale të kontrollit detar. Kemi parashikuar kapacitetet njerëzore për këtë njësi në buxhetin e vitit 2023. Kemi parashikuar buxhet për blerjen e pajisjeve, do të jenë 40 motorë në dispozicion të kësaj njësie e cila gjatë periudhës së verës do të patrullojë në mënyrë shumë më prezentë për të garantuar sa më shumë siguri.
Vjet për herë të parë kemi krijuar njësinë speciale të policisë alpine. Njësi që është trajnuar nga policia austriale alpine që është më e mia në botë”- tha Çuçi.
