Aktualitet

Ç’po ndodh me kompleksin “Laguna Blu”?


Bëhu pjesë e Grupit Zyrtar të Opinion.al
>> KËTU <<
               Publikuar në : 15:23 - 27/10/15 |
b.f

TIRANE – Disa media online publikuan dje lajmin për një ndërtim që Drejtori i Përgjitshëm i TV Klan Aleksander Frangaj ka nisur në territorin e kompleksit “Laguna blu” qe ndodhet ne bregdetin e Golemit. Lidhur me kete rast ka reaguar sot dhe PD. Nëpërmjet deputetit Gent Strazimiri, selia blu akuzon Kryeministrin Rama se po jep leje ndërtimi për të fituar mbështetje mediatike. “Ligji i Maliqit për të pamundurit dhe privilegji e hatri për miqtë janë shfaqur së fundmi në formën më arrogante të mundshme në bregdetin e Golemit, ku Edi Rama ka dhënë leje për prishjen e ambjenteve sportive e të përbashkëta për banorët, në resortin Laguna Blu, duke lejuar që aty të hedhë shtat një ndërtim skandaloz. Me firmën e Edi Ramës po grabitet një pasuri publike për t’u kthyer në biznes për klientelën e tij dhe për ata që kërkon t’i nënshtrojë“, tha Strazimiri.
PD kërkoi sot ndalimin e punimeve ne kete kompleks dhe shprehet se regjimi me dy standarte,sipas saj i ka ditët e numëruara. I menjëhershëm ka qenë dhe reagimi i qeverisë. E portalin Transparenca.al,qeveria sqaron se Kryeministri Edi Rama dhe Këshilli Kombëtar i Territorit nuk kane asnjë lidhje me ndonjë leje ndërtimi në të ashtuquajturën Laguna Blu. Leja e dhënë nga komuna rezulton të jetë dhënë mbi një truall pronë private, mbi bazën e studimit urbanistik te zonës në fjalë, miratuar nga Këshilli Kombëtar i Rregullimit të Territorit, nën drejtimin e kryeministrit të kohës Sali Berisha. Qeveria sqaron se, vendimmarrjet e ndryshme të KKT-së, lidhur me bllokimin e lejeve të ndërtimit në qytetet apo në zonat e mbrojtura, në kuadrin e vendosjes së rendit ligjor mbi territorin, as nuk kanë lidhje me zonën në fjalë, as nuk kanë cenuar ndonjëherë të drejtën e njësive vendore për të dhënë leje ndërtimi për njësi familjare banimi dhe/ose turistike, mbi bazën e studimeve urbanistike të miratuara.

KOMENTO (1)

Shkruaj nje koment

Pas