Italia ka shënuar ulje të numrit të rasteve të reja me COVID-19 në 24 orët e fundit. Autoritetet kanë deklaruar 12.030 të infektuar, nga 103.584 tamponë të kryer rreth 50 mijë më pak se dita e mëparshme.
Po në 24 orët e fundit kanë humbur jetën si pasojë e koronavirusit 491 persona. Me bilancin e fundit, Italia kalon 65 mijë viktima duke u bërë kështu vendi europian me më shumë të vdekur që nga fillimi i pandemisë.
Mediat italiane raportojnë se ka rënie të lehtë të numrit të pacientëve në kujdes intensive 63 më pak se dje.
Prej disa ditësh, është Veneto rajoni më i goditur, me 2829, dhe Emilja Romanja me më shumë se 1500 të tilla./ Opinion.al
