‘Një kërkesë që detyron të gjithë pasagjerët që vijnë në Hong Kong të testohen për koronavirusin, do të qëndrojë në fuqi për shumë kohe,’- tha një zyrtar kryesor shëndetësor i qytetit. Ekspertët parashikojnë se kjo praktikë e ndjekur do të bëhet standarde në aeroportet në të gjithë botën, pasi industria e aviacionit do të përshtatet me norma te reja sapo pandemia të zbutet. Qeveria e Hong Kongut ka kthyer aeroportin në frontin e parë të mbrojtjes, në betejën kundër Covid-19.
Kjo taktikë detyron jo-rezidentët dhe pasagjerët tranzit, të ofrojnë mostra të pështymës në mënyre që të kryen testimet për koronavirusin. Njerëzit e ardhur nga Kina, Macau dhe Tajvani gjithashtu nuk pranohen të hyjnë nëse kanë qenë në ndonjë vend tjetër në dy javët e fundit.
Strategjia agresive ka për qëllim të frenojë një numër infeksionesh në rritje, ndërsa banorët kthehen nga jashtë. Edhe pse autoritetet shëndetësore kanë paralajmëruar vazhdimisht për një valë të dytë lokale të pandemisë, qyteti ka parë që numri i infeksioneve ditore ka rënë në mënyrë të vazhdueshme këtë muaj. Pothuajse të gjitha rastet e fundit të infektuara kanë qënë të importuara.
Regjimi i monitorimit do të qëndrojë në vend të paktën tani për tani’, tha një zyrtar shëndetësor të martën. ‘Taktika që ka miratuar Hong Kongu, besoj se duhet të qëndrojë për një farë kohe,’- tha Ëong Ka-hing, kontrollues i Qendrës së qytetit për Mbrojtjen e Shëndetit. ‘Unë nuk mendoj se ne mund të shpëtojmë lehtësisht nga testimi në të ardhmen e afërt.’
Kushtet e kontrollit shëndetësor të pasagjerëve do të jenë një nga elementet kryesore për të rifilluar industrinë. Hong Kongu kërkon masa të ngjashme në të gjithë botën, për të shmangur masa komplekse të ndryshmë, në pjesë të ndryshme të botës. Masa të tjera që do të merren janë: matja e temperaturës dhe dizifektantë dhe maska për çdo pasagjer sapo të hyjnë në avion. Udhëtarëvë i kërkohet të presin në ambjente të kontrolluara afër aeroportit, deri në 12 orë për përgjigjet e testeve.
Masa të tilla janë të vështira të ndërmerren në të gjitha aeroportet. Zyrtarët e shëndetësisë kanë shprehur të shqetësuar se mund të përballojnë vetëm një avion në kohë, pasi kërkohet distancim social i udhëtarëve.
‘Është çështje kapaciteti,’- tha Chuang Shuk-këan, drejtor i degës së sëmundjeve ngjitëse të qendrës. ‘Ne mund të trajtojmë vetëm 400 njerëz në ditë për një kontroll më të mirë. Nëse kërkojmë nga të gjithë pasagjerët [pas pandemisë] ta bëjnë këtë, ata do të duhet të presin me orë të tëra për rezultatin e testit dhe mund të mos jenë në gjendje të marrin rezultatin në të njëjtën ditë, kështu që është një sfidë.’
Rreth 200,000 pasagjerë normalisht përdorin aeroportin çdo ditë. Zyrtarët e shëndetësisë nuk mund të thonë nëse testimi i të gjithë udhëtarëve do të jetë pjesë e strategjisë, ose nëse vetëm një pjesë e tyre do të kryejnë teste. Testimi ka qenë problematik në Britani dhe Shtetet e Bashkuara, me të dyja shtetet që luftojnë për të trajtuar numrat.
Ndërkohë aeroporti Seul Incheon, në Korenë e Jugut ka gjetur një zgjidhje të përkohshme. Aeroporti ngriti një qendër testimi në ambjent të hapur, jashtë terminalit, për të ekzaminuar deri në 2,000 mbërritje nga Evropa në ditë./ Opinion.al
