Çmimi i naftës do të rritet me 20 lekë për litër. Të paktën kështu pretendon PD, duke iu referuar koncesionit të ri që mund të jap qeveria në lidhje me pompat e karburanteve.
“Duke nisur nga viti 2014 qeveria ka rritur taksën e qarkullimit, që paguhet në çdo litër karburant të blerë, duke shtrenjtuar çmimin. Edhe kur çmimi i karburantit në tregjet ndërkombëtare shënoi rënien më të madhe në histori, shqiptarët paguanin më shumë. PPP-ja e pompave të karburantit është një projekt mafioz nisur nga qeveria në shtatorin 2018 dhe denoncuar nga Partia Demokratike që në krye të herës. Aq i madh ishte abuzimi saqë vetë pjesëmarrësit në këtë koncesion e dërguan çështjen në gjykatë. Shkeljet nga ana e ministrisë ne favor të kompanisë NOA qenë të qarta”, deklaroi Izmira Ulqinaku nga selia blu.
Tabela e Global Oil Price, referenca për çmimet e naftës në botë, na rëndit fill pas Gjermanisë për çmimin e naftës. Sipas saj shqiptarët paguajnë 1.45 euro/litër, kurse Gjermania paguan 1.46 euro/litër.
Ndërkohë ne renditjen botërorë ku janë marre 164 shtete dhe Shqipëria është e 145 dhe bën pjesë te grupi i vendeve të varfra me çmimet me të larta./ Opinion.al
