Deputeti i PD-së, Dashnor Sula është paraqitur ditën e sotme në Kuvend me dy bidona me qumësht në duar.
Ai ka bërë me dije se këtë produkt do ta derdhë në shkallët e këtij institucioni.
Ky veprim vjen si shenjë proteste në mbështetje të fermerëve, të cilët nuk gjejnë dot treg në vendin tonë, ndërsa çmimi i produktit të qumështit vijon të jetë më i larti në Europë.
Kujtojmë se ditë më parë me dhjetëra blegtorë udhëtuan me traktorët e tyre nga Kavaja, Vlora, Berati, Fieri, Lushnja dhe u mblodhën në protestë tek rrethrotullimi i Savrës në autostradën Lushnje- Fier.
Protestuesit u shprehën se qumështi shitet me çmim tejet të lirë, pasi grumbulluesit dhe fabrikat e përpunimit të bulmetit kanë fiksuar çmimin 50 lek për litër.
