Nga studimet e vazhdueshme mbi përhapjen e Covid-19 vijnë edhe lajme të mira. Ekspertë të shumtë në fakt, besojnë se koronavirusi pandemik SARS-CoV-2 i përhapur tashmë globalisht do të bëhet endemik, duke zvogëluar gradualisht agresivitetin e tij derisa të bëhet shumë i ngjashëm me një ftohje të zakonshme brenda një periudhe prej 10 vitesh.
Siç është raportuar nga Corriere della Sera, ky skenar pozitiv është përshkruar nga dy grupe të ndryshme shkencëtarësh: ata nga Universiteti Columbia në Nju Jork, autorët e artikullit “A do të bëhet SARS-CoV-2 endemik?” dhe kolegët e tyre nga Departamentet e Biologjisë së Universiteteve Shtetërore të Emory dhe Pensilvanisë, që publikuan studimin me titull “Karakteristikat imunologjike rregullojnë kalimin e COVID-19 në endemicitet”. Falë simulimeve të ndryshme të kryera, fati i koronavirusit SARS-CoV-2 duket të jetë saktësisht e njëjtë me koronavirusët e tjerë njerëzorë që qarkullojnë, përgjegjës për të ftohjen./Opinion.al
