Te Fundit

Cilësia e ujërave detarë në Shqipëri


Bëhu pjesë e Grupit Zyrtar të Opinion.al
>> KËTU <<
               Publikuar në : 11:30 - 09/06/20 |
Al Do

Nga: Anisa Elmazaj

Në prag të fillimit të turizmit, një lajm i mirë vjen nga agjencia Europiane e mjedisit (EEA). Sipas studimit “Qershor 2020” të botuar së fundmi prej saj, rreth 84.6% e ujërave notuese europiane përfshirë këtu edhe Mbretërinë e Bashkuar, Zvicrën dhe Shqipërinë gëzojnë kualitet “të shkëlqyer” të ujit.

Në lidhje me Shqipërinë, më shumë se gjysma (58,8%) e ujërave notuese marrin notën “shkëlqyeshëm”, 21,8% “mirë”, 4,2% “mjaftueshëm” si dhe 5,9% “të varfër”.

Krahasuar me vendet e tjera të Europës, Shqipëria renditet e dyta mbas Polonisë me sasinë më të vogël të ujërave me kualitet të “shkëlqyer”.  Ujërat më të pastra sipas këtij raporti i ka Qipro me 99,1% kualitet “të shkëlqyer”.

Në vijim të këtij raporti, rreth 80% e ujërave detarë në vendin tonë klasifikohen me kualitet “të shkëlqyer” (59,3%) dhe “te mirë” (20,4%). Pjesa tjetër klasifikohen me kualitet “mjaftueshëm” (4.4%) dhe “të varfër” (6,2%). Për vitin 2019 janë analizuar 113 kampione ujërash detare, numër më i madh ky se vitet e kaluara.

Për sa i përket ujërave të liqeneve dhe lumenjve, janë monitoruar 6 kampionë, po aq sa dhe vitin e kaluar. Në ndryshim nga ujërat detarë, ujërat e liqeneve dhe lumenjve të analizuar kategorizohen në 50% me kualitet “të shkëlqyer” dhe 50% me kualitet “të mirë”.

Raporti bazohet në monitorimet e kryera nga vendet përkatëse bazuar në direktivat e udhëzimeve europiane. Analizat kryhen mbi dy parametra mikrobiologjikë: Intestinal enterococci dhe Escherichia coli. Në rastin kur ujërat klasifikohen si “të varfra”, vendet përkatëse duhet të marrin masa dhe t’i bëjnë të ditura për publikun.

Duke parë hartën e publikuar në këtë raport, zonat me ujëra më të ndotura ndodhen në bregdetin e Durrësit, në pjesën e Plazhit të Ri në Vlorë si dhe në zonën e bregdetit të qytetit të Sarandës.

Në përgjithësi ky raport ka një impakt të madh sidomos për turizmin, pasi vëmendja që tërheq në mediat ndërkombëtare është e madhe. Ndër të tjera edhe “New York Times” dhe Associated Press e citojnë këtë raport. Fatkeqësisht, emri i vendit tonë përmendet bashkë me gjashtë vende të tjera Europiane për 3% të ujërave me kualitet “të varfër”.

Pas