Ka përfunduar xhiroja e katërt e fazës grupore të Ligës së Kampionëve dhe tashmë disa prej klubeve e kanë siguruar pjesëmarrjen në fazën e eliminimit direkt.
Në Grupin A, Arsenali dhe Paris Saint-Germaini kanë nga dhjetë pikë dhe tashmë ndodhen në fazën tjetër. Në dy xhirot e mbetura, këto klube do të luftojnë për pozitën e parë në grup. Ndërkohë, Baseli dhe Ludogorets Razgrad që kanë nga një pikë, do të konkurrojnë për Europa League.
Atletico Madridi me 12 pikë dhe Bayern Munichu me nëntë pikë, po ashtu e kanë siguruar progresin e mëtutjeshëm nga Grupi D. Bavarezët do ta kenë të vështirë t’ua marrin kreun Los Rojiblancos. PSV Eindhoven dhe FC Rostov kanë nga një pikë dhe do të garojnë për një vend në Ligën e Evropës.
Borussia Dortmundi ndodhet në fazën e eliminimit direkt me 10 pikë nga Grupi F, derisa Real Madridi ka tetë pikë dhe në dy xhirot e mbetura duhet t’i sigurojë pikët e mjaftueshme për t’u kualifikuar. /Telegrafi/
