“Në Ligën e Kampionëve duhet të jemi shumë të kujdesshëm me dështimet, sepse ai është një turne i tillë, ku çdo gabim mund të përfundojë me penalizim.” Këto janë fjalët e Luis Enrique, të thëna të shtunën, pas humbjes në shtëpi me Alavés, kur u pyet për premierën e nesërme në garat europiane, kundër Celtic Glasgow. As nuk do mendje të madhe për të kuptuar në mes të fjalëve të mesazhit që ka dërguar trajneri Blaugrana te lojtarët e tij, por edhe te tifozët: në Europë nuk ka eksperimente. Kështu, Barcelona përgatit një formacion me kartat e saj më të mira në Ligën e Kampionëve. Ter Stegen nuk është shëruar ende nga një lëndim i muskujve të këmbës së djathtë, duke i hapur udhë portierit holandez, Jasper Cillessen, i cili për fat të keq nuk mundi të gëzojnë debutimin e ëndërruar në “Camp Nou”, sepse e nisi me dy gola të pësuar kundër Alavés.
Pjesa tjetër e skuadrës do të ketë ndryshime të mëdha në Evropë. Sergi Roberto dhe Gerard Pique do të kthehet në 10-she, duke formuar prapavijën së bashku me Samuel Umtiti dhe Jordi Alba. Katër ndryshimet në vijën e pasme, krahasuar me lojën e fundit, ku ka luajtur Aleix Vidal, Mascherano, Mathieu dhe Digne. “Dobësi mbrojtëse”, – ishte përcaktimi i “Lucho” për gabimet e bëra të shtunën, në pjesën e prapme të skuadrës. Në mesfushë, rotacionet janë pak më të kufizuara, sepse apriori, Sergio Busquets dhe Rakitic janë të garantuar një formacionin bazë. Denis Suárez do të jetë lojtari që bie, për shkak të rikthimit të Andres Iniesta, i cili luajti disa minuta kundër Alavés.
“Dirigjenti” i lojës së Barcelonës është shëruar nga një lëndim në gju. Sulmi do të rikthehet në këmbët e “tidentit”, përsëri. Pra, Leo Messi, Luis Suarez dhe Neymar do të trokasin së bashku në dyert e Europës, për të mbajtur përjetimin e sukseseve dhe lavdisë. Natyrisht, pa dëshirë, por trajneri i Blaugranave duhet t’i ulë në stol Arda Turan dhe Paco Alcácer, të cilët bien nga formacioni bazë i katalanasve, që u përdor ndaj Alaves. Kështu, me një total prej shtatë ndryshimesh në formacion, krahasuar me ndeshjen e fundit në La Liga, Barcelona i rikthehet vetvetes në Ligën e Kampioneve.
