E ftuara e sotme në “Pop Culture” ka qenë Delinda Zhupa, ndërsa biseda është fokusuar kryesisht në jetën personale të aktores. Pasi shpjegoi kuptimin e emrit të djalit të saj, Zhupa rrëfeu se dëshironte që së shpejti të gëzonte edhe një vajzë. Dhe po, për pak kohë do ta shohim Delindën veshur me fustanin e bardhë, pasi dasma është një ndër planet e saj dhe të bashkëshortit.
Zhupa foli edhe për projektet e saj në teatër, por moderatorët e emisionit nuk e lanë me kaq. Duke qenë se e njohim kryesisht nga “Portokalli”, aktorja u vu përballë pyetjeve të fansave në Facebook. Cili nga kolegët e bën më shumë për të qeshur Zhupën? Po rroga e saj, çfarë shifre arrin?
Sa për pjesën tjetër të aktorëve në “Portokalli”, Delinda ka patur një përgjigje të njejtë: “Nuk mund të veçojë emra, jemi të gjithë njësoj. Jemi si një familje e madhe dhe nuk mund të zgjedh njërin apo tjetrin.” Për sa i përket rrogës, aktorja ka thënë duke qeshur: “Po them atë që thotë dhe im shoq, që lekët dhe gjynahet nuk tregohen!” E kështu, duket se Zhupa është treguar më shumë se e rezervuar për spektaklin e së dielës…
