Reshjet e dëborës dhe i ftohti ekstrem që po shkaktojnë probleme në shumë shtete amerikane, kanë mbuluar me dëborë dhe Hawain. Stuhia gjatë fundjavës solli reshjet më të dendura të borës, të shënuara ndonjëherë në këtë vend, në 1889 metër lartësi.
Ekspertët thonë se është hera e parë që bie dëborë në lartësinë më të ulët të regjistruar ndonjëherë në vend. Dëbora ra më së shumti në zonën Polipoli Spring.
Meteorologu Kirby Cook tha:
“Është një gjë shumë e rrallë, ndoshta për herë të parë që shohim diçka të tillë, mund të kenë lidhje ndryshimet klimatike. Më thanë se bora mund të ishte 1.2 metër e thellë. Kjo ka një efekt të madh”.
Edhe pse banorët nxituan të shijonin dëborën, sipas ekspertëve ndryshimi i kushteve të tilla klimatike që ka prekur të gjithë botën nuk është shenjë e mirë./E.M
