Edhe pse në Parlament po diskutohej një prej çështjeve më të rëndësishme, siç është buxheti për vitin 2022, kryeministri Edi Rama nuk i kurseu batutat ndaj kryedemokratit, Lulzim Basha.
Teksa tha se PD tashmë nuk është as e djathtë e as e majtë, Rama theksoi nga foltorja se fokusi i mazhorancës nuk është debati politik, por rimëkëmbja e vendit nga pasojat e pandemisë.
Pasi mbaroi fjalimin, Rama iu drejtua vendit të tij për tu ulur, por më pas vendosi të largohej. Gjatë kohës që po largohej nga salla e Kuvendit, Rama ka pyetur Bashën nëse do fliste apo jo pasi do të largohej.
“O Lulzim do flasësh apo te iki unë”,-dëgjohet Rama duke i folur Bashës./ Opinion.al
