Një 37-vjeçar është plagosur ditën e sotme në Lezhë. I plagosur është identifikuar si Ardian Kola, rreth 30 vjeç, ndërsa është lënduar në këmbë.
Ai është transportuar në spital dhe po merr ndihmën e nevojshme mjekësore. Ndërkohë, policia bën me dije se ka mundur të identifikojë autorin e ngjarjes dhe po punon për kapjen e tij.
Mësohet se i plagosuri dhe autori janë konfliktuar për motive të dobëta. Autori është larguar pas konflikti dhe është rikthyer më pas i armatosur. Ai ka qëlluar në drejtim të 30-vjeçarit, i cili mbeti i plagosur në këmbën e majtë.
Njoftimi i policisë
Policia identifikon autorin e plagosjes së 37 vjeçarit
Vijon ndjekja për kapjen e tij
Rreth orës 20:16, te spitali Rajonal Lezhë është paraqitur shtetasi A.K. vjeç 37, banues në Lezhë i plagosur lehtë në këmbë dyshuar nga armë zjarri.
Në vendngjarje në qytet Lezhë, kanë mbërritur menjëherë forcat policore ku nga hetimet paraprake kanë identifikuar si autor të dyshuar shtetasin A.D. ku punohet për kapjen dhe shoqërimin e tij.
Shkak i plagosjes dyshohet një konflikt i çastit i ndodhur për motive të dobëta.
Vazhdojnë hetimet për zbardhjen e plotë të rrethanave të ngjarjes./ Opinion.al E.Xh.
