Seks në shtatzëni? Eshtë një nga pyetjet që të gjitha çiftet i bëjnë vetes gjithmonë. Disa i ndërpresin marrëdhëniet për shkak të frikës që kanë për fëmijën e tyre, disa të tjerë përpiqen të jenë prane tyre në shtrat por me shumë kujdes.
Por është i lejueshëm seksi gjatë shtatzënisë? Çfarë ndodh me fëmijën kur bëni seks në shtatzëni? A janë të rrezikshme lëvizjet intensive?
Ndoshta seksi është gjëja e fundit që të vjen ndërmend kur je shtatzënë. Por kjo varet nga hormonet, ndaj nëse ke dëshirë të kryesh marrëdhënie dhe je shtatzënë, nuk ka asgjë të keqe, përkundrazi.
Sipas ekspertëve, mund të bësh seks sa të duash kur je shtatzënë! Penetrimi është përfundimisht diçka e sigurtë, në një shtatzëni normale. Theksojmë: Normale. Nëse shtatzënia ka komplikacione, seksi nuk është zgjedhja më e mirë.
“Është shumë e pagjasa që seksi në shtatzëni të shkaktojë abort”, shpjegon për “Buzzfeed” Pr. Dr. Mary Jane Minkin, “Marrëdhëniet e rregullta seksuale nuk ndikojnë në shëndetin e shtatzënisë.”
Sidoqoftë, duhet të merret edhe një aprovim nga ana e mjekut, sepse mund të ketë ndërlikime që e bëjnë të rrezikshëm seksin gjatë shtatzënisë.
“Seksi është në rregull edhe nëse je shtatzënë me binjakë dhe trinjakë”, shprehet Dr. Christine Proudfit.
Nëse ndjeni simptoma si dhembja, shkarkime të pazakonta vaginale, gjakosje, apo dhembje pas seksit, duhet të vizitoheni patjetër.
Dhe si përfundim, bebja nuk i ndjen “gudulisjet” gjatë seksit. Penisi godet cerviksin, i cili shërben si një barrier për çfarëdo mund të përpiqet të hyjë brenda. Përveç cerviksit, lëngu amniotik e rrethon beben si një mburojë prej uji, që gjithashtu e mbron beben ndaj dhe nuk shihen probleme.
