Bashkimi Europian nuk i hapi negociatat me Shqiperinë. Edhe pse kjo u mor vesh qarte ne Bruksel, në Tiranë opozita dhe mazhoranca vazhdojne debatin, pasi qeveria prentendon se “eshte dhene data, pra negociatat do hapen ne qershor 2019”. Ndersa sipas opozites nuk eshte dhene asnje date, madje Shqiperise i jane vendos kushte te reja.
Se çfarë ishte vertet vendimi i marrë nga vendet anetare e ka shpjeguar Ministri i Jashtëm i Gjermanisë. Në një prononcim për DW, ai thotë se “ishte vetem një stimul qe qeverite e dy vendeve ballkanike te perparojne me reformat”.
Ministri i Jashtëm i Gjermanisë Heiko Maas konsensusin në BE për hapjen e negociatave me Maqedoninë dhe Shqipërinë më 2019 e shpjegon keshtu:
“Bashkimi Europian këtë javë ka marrë një vendim të rëndësishëm; Duke filluar nga viti 2019 mund të fillojnë bisedimet me Shqipërinë dhe ish-Republikën Jugosllave të Maqedonisë. Ne jemi angazhuar shumë për këtë sinjal të fortë dhe udhërrëfyes, përmes të cilit vlerësohen arritjet e reformave në vitet e fundit.
Procesi i negociatave në Bruksel nuk ka qenë gjithmonë i lehtë, por ne jemi të gëzuar, që në fund u bë i mundur një kompromis i të gjitha 28 vendeve anëtare të BE-së. U bëj thirrje politikanëve në Tiranë dhe në Shkup, që këtë sukses ta vlerësojnë si një stimul për të vazhduar me impenjim reformat. Gjermania do të vazhdojë të mbështesë fuqimisht në këtë drejtim.”
