Ilir Meta shprehet se PL nuk ka synim kreun e bashkive, por këshillat bashkiak, duke theksuar mbështetjen e saj ndaj kandidatëve të PD në zgjedhjet e 14 majit.
Në emisionin “Opinion”, Meta është pyetur se çfarë do të ndodhte nëse PD bashkohet dhe deputeti Enkelejd Alibeaj do të kërkonte të vendoste emrat e tij për kandidatët për kryetar bashkie dhe në këshillat bashkiakë.
Meta thekson se nuk ka kushte për PD dhe se qëllimi i vetëm i tij dhe opozitës është rrëzimi i qeverisë.
“Nuk kemi asnjë kushte përveç përpjekjes për të maksimalizuar energjitë e popullit opozitar për të çrrënjorusr Rilindjen. Partia kryesore në opozitë është PD e dyta është PL, ne kemi dhënë një model parimor. Marrin rastin e këshillit bashkiak të Tiranës dhe PL është faktor vendimtar në këshill, kryetari i takon PL. Rruga e bashkëpunimit është e hapur për të gjithë. Balancat tona parimore nuk lëvizin, është çështje menaxhimi të marrëdhënieve me opozitarët.
